عَلقْـم

بقيت بخاف أمشي فى شوارعك

اللـي قالــوا زمــان أمـان 

لســة حواريــكي زحـــام

والعيـون أنهـار بتجري 

عُمر ما صابها يوم جفاف

مُش ميزة بس العيب يعيب

مبقتش أشوف في الضلمة نور

كُله أَسـود مـ السـواد

والشروق بقي كُله عَتمه 

قلبـي مَسموم بـ السُكات

والكلام بقي طعمه عَلقْـم

وبردو ماشيه لسه خايفه

وعُمري عمّال يغتـرب

كرهت حتى ريحة ترابك 

ان كانت عَنبرأو عَفَن 

ريحة الدم كات أشد

زي مصاص الدما 

لما الدافع عنده بيقوى 

والغريزة تقتله..

ويعيش على دم الضحية

بكل لَذة ويستَجـم !

إلـى أين؟!

إلى أين؟!

إلى ذلك البعيد الذي لا يأتي
إلى عنفوان الضجيج الذي لايهدأ
إلى الخيال الذي لا ينتهي
إلى عالم ينبض من زرقة البحر
إلى الحنين الخامل المُرهق
إلى نهايات لا تنتهي
وبدايات لم تبدأ بعد
إلى عالم الألوان والأهواء والضوضاء
إلى ربيع لم يأتي
وشتاء عاجز عن البوح بتراتيل الدفء
إلى مكان فقد في ظلام دامس
إلى منبع الذاكرة وزحام الذكريات
إلى الماضي الذي لا ينسى
إلي الحاضر الذي لا ينام 
إلى المستقبل فاقد الهوية
إلى التدوين الروحاني
إلى التحرر من القيود
إلى جاذبية الأفكار
إلى كتابة التاريخ المجهول
إلى الجمال الذي لا يتجمل
إلى أصحاب الضحكات الجذابه
و ذوي القلوب الباردة
إلى طفولة لم تكتمل
إلى أناس بائسين
إلى حُلم لم يتحقق
ورغبة في السفر البعيد
إلى وعود لم تجف
إلى رسائل لم تصل
إلي حُب يُنتظر
إلى مفترق طرق
إلى أبجدية عاجزة عن البوح
إلى أب يحتويك بكل مافيك
إلي قلب أم منبع الأمان والحنان
إلي أخ وأخت گـ البريق في العيون
إلى أصدقاء لن تفرقنا المسافات
إلي حبيب لم أعرفه بعد !
إلى الطبيعة التي لا تخلو من الحُرية
إلى الطريق الذي لا يؤدي إليك
إلي أين؟ ربما إلى الجحيم
إلي أين؟ لا أعلم فـ الخيال واسع
له مطلق الحرية..
ربما إلى اللاشيء !

سُهيله ♥ ساري كـ الموت الحلال

سُهيلة 

ليست كائن خُرافي أو شيء غير ملموس  

إنها بالفعل كما وصفها وصوتها 

لحن بيتهوفني كل شيء فيها صادق جذاب 

ضلت طريقها بعدما رحلت هي بالفعل كانت 

بجانبه عندما استشعر وجودها في كل مكان 

فهو لم يكن يراها في الحلم بل كانت حقيقة 

في كل شيء.. 

في الحُب لا يجب أن تنسى أي شيء

 حتي السفاسف الروحانيه..في قانونها جريمه يعاقب عليها  

لابأس أن تنسي روحك فيه تجعلها تنغمس

في روحانيات العشق المُدلل ولكن تذكر ألا تنسي .. 

عبور سُهيلة لمرحلة اللاحياة بعد رحيلها 

أشبه بحُب الأسد للغزال الذي لطالما خشي 

عليها ساري يوما ما من إفتراسه لها 

وما كل هذا الخذلان الذي تعرضت له منه 

ظلت تحدث الغرباء عنه ! 

تسألهم عنه ! 

توصف لهم ساري بأدق تفاصيله 

رحلت بالفعل حتي أنها ارتكبت أبشع جريمه

هي من شرعت قانونها 

أنها نسيت ، نسيت مكانه ، عنوانه 

قررت العزلة من جديد 

ويا له من قرار ! 

كم تمنت ألا تلجأ إليه 

ابتعدت عن كل شيء 

تحدث نفسها كـ المجنونه 

أليس هذا واقعكم الذي يتباهى به المتحذلقون 

كيف تطيقون العيش فيه وكل ما به يوحي بالفقدان 

اليقين الوحيد فيه أن هناك فقدان للأحبه يوما ما 

عالق في ذهني منذ الطفولة أن الموت هو الذي يفرق الأحبه الموت فقط 

 فكيف نعلم حقيقة الموت والرحيل المؤكد يوما ما

 ولا نعطي لأنفسنا أن نشعر بالبقاء ولو لوهلة مع من نحب 

الحلال الوحيد في الفراق هو الموت

فإن كان بإرادتك أن ترحل عمن تحب 

بسبب بعض المنغصات الحياتيه التي تعشقونها 

في واقعكم المُبجل فحقيقة الأمر أتركوني 

أعود لعزلتي من جديد..

ولاشيء !

طموحك كلها أحزان 

ومن جواك خلايا تملّي تفقد الإحساس

كيانك كله متحوش فى حصاله 

و وأد الحلم كـ وأد البنت زي زمان 

يكونش الحلم فى بلادنا ده هو العار 

ده رمش العين بقى حنين ومبيدبحش

وتايهه سكتك فى الضيقة بتغزل قَهر 

حبايبك فى الميلاد جنبك وروح الحُب 

زي الأول بقت خيبه فقدناها ومُش بنحس

وفجأة تلاقي فى الغباء لَذة 

وبردو تلاقي في الحسد نعمة 

ويتحول كلامك سَكتة بعدها فى القبر 

وروحك فى البلاد بتلف ..

وطمعانة فى قاعدة وطن 

وتعزمها على حُرية بس بنفس 

قانون الحُب له إتجاهات 

وناس غاوية تعيد مـ الصفر 

وشباك الأمل فَتح 

في لحظة ما  كان الشيش 

منعرفلوش غير الأقفال 

حياتك كلها ملكك 

وصوتك لسه فيه النبض

وطول ما عيوني بتفتح 

هكون جنبك في أول قَطر 

ده لسه العُمر فيه مسافات

وبيقرب ويبعد حد 

ومعنى الثورة متفسرش لحد الوقت !

قوم اغزل السما السبعة وحقق حلم 

ونَفَض الغُبار بدون رِقة 

وصارع فى الهَوى دَقة 

وقول كل اللي جواك 

فى لحظة تَجَلَّى الفَجر.. !

إلى بلوتو :)

   عزيزي كوكب بلوتو يسعد صباحك :))

  أكتب إليك على الرغم من أنك أصبحت مُصنف الآن كويكب وتم إستبعادك كلية 

أنقل إليك الأخبار من كوكب الأرض الشقيق منذ أن سقطت هنا 

فجأة مع أول نجم لامع لا أتذكر متى ؟ ومن أين ؟ 

بداية كان المكان مفعم بالحياة وكل شيء مُبهج 

حقيقة كل ما أعرفه الآن أنني أكتب إليك وأرغب فى العودة إلى وطنى 

فقد أصبح كوكب الأرض يثير إشمئزازي بطريقة غير عادية 

نعيش فقط نسمع بعض الشعارات والأحاديث والأكاذيب

لا أعلم كيف أوصف لك كم أصبح مقهورة عند سماعي 

لبعض الألفاظ المُزيفة ..

أشعر أحياناً عندما يقول أحدهم  "الحياة جميلة وحلوة" 

فى لحظة ما أشعر أنه كداب ومن داخله يتمنى أن يصرخ ويقول

(يلعن أبو دى عيشة)

مُشكلة كوكب الارض غريبة نوعاً ما وتعتبر ميزة ومن الممكن أن تكون عيب

هؤلاء البشر لديهم قدرة عجيبة على التأقلم فى أصعب الظروف 

فى الوقت اللي بيكون هناك شخص مُستاء إستياء الديناصورات فى آخر أيامها 

فى لحظه بسيطة بيكون قادر إنه يصرعك ضحكة تغرز جواك وفجأة تخليك 

تضحك من قلبك .. البشر دول حلوين نوعاً ما ناس بتسعد نفسها 

بأبسط الحاجات وممكن أبسطها على النقيض يكون سبب قهر وضيق بالنسبه لهم 

توقع أي شىء فهو كوكب مزاجى ومتقلب 

فإحذر أن تُسقط غيماته المطر !

عزيزي بلوتو الكوكب هنا مُزدحم ولا يكفيك بتاتاً

الجنس البشري أصبح عدواني   

فـ نصيحه أنت فى عِز ورخاء  

خليك فى مدارك فقط وحدث الآخرين 

عنى لأنني من أرغب فى الذهاب إليكم

بأسرع وقت ممكن فقد ضاق خلقي 

وكفى 20 عاما في هذا الكوكب البائس 

لا تنسى وإلا قمت بإحراقك أيها الكويكب القزم 

نهارك سعيد أيها البلوتو :D

المُرسل : لوريت

صندوق بريد :)

أعشق تلك العينان التي لم أرها بعد 

أتعمق بداخلها أتحسس النظر إليها 

بحرص كـ فاقد البصر 

أخشي أن أفقد تلك العيون التي 

آوي إليها لتستكين جروحي وآهاتي 

هي وحدها عيناك ..تعبر بي 

إلى أماكن لم تكتشف بعد !

زي كل شتا :)

زي أول كل حاجة 

زي أول ضحكه صافيه 

ثُم أول نظره هاديه 

ويا كل كلمه رايقه

زي أول كلمة بحبك

زي صوت النبض فيّا

زي كل حاجة حلوة فى البدايه

زي نكته تبقى بايخه 

ثُم لحظة تبقى روعه 

زي أول صدفه دايما

ويا أول الحكايه 

زي أول يوم دراسي

زي أول يوم في عيد

زي أول مطره تنزل 

ويا طَلة الشتا 

ثُم ذكري تبقى حلوة 

ثُم فجأه تبقي دفا

ثُم لمسه الإيدين

ويا كل كلمه ساكنه 

زي أول كلمه تطلع 

ثُم عقلك يبقى عقلي 

واكتفي بتفكيري فيك

ثُم يبقى  النبض واحد 

لو وقف نبقى سوا 

ثُم اسمك يبقى اسمي 

واكتبه كأنى أملكه 

زي لما تغير عليا

ولحظة اما بغير عليك 

ثُم فجأة الدنيا تحلى 

وتطلع السلم رياضة 

زي لما تحب تمشى 

زي أول خطوة تقرب

زي إحساس الثقة

ويا حنين الحرية

زي حاجات ياما نعيشها

في البدايه بتبقى حلوة

وفي النهايه نقول عشقنا !

ذرة غُبار !

مصر

اللى أعرفها 26 مُحافظة 

الكواكب بالنسبة لى 9 فقط 

الأرقام الزوجية والفردية

الفَكه اللى مُش بحبها 

القطار اللى ركبته مرة ذهاب وعودة

اسكندرية وزيارتى الأولى وشوية 

روايات مصرية للجيب ..

رواية كوكو فى الصحراء 

لما اشتريتها لى..

آخر يوم فى الامتحانات وأنا منتظرة

الخروجة الحلوة 

الكلمة اللى تملى تقولها مدرسة الرسم

"أنتِ شخصية بتحب الحياه"

حدوتة سندريلا اللى بحكيها ومحبش أعيشها 

Titanic بالنسبة لى مُش فيلم رومانسى بالمره

اللون الكُحلى ايام الثانوى ومُنير بيغنى ^^

الصُداع المستمر ..وقت الامتحانات ..النتيجة 

وجع الأسنان وكفاح من 2007 حتى الآن 

الأيس كريم فى الشتا ومَج الكابتشينو والكيت كات 

اللون الأزرق والأسود وفارق الحياة والموت  

البلاك بيرى والـ notes اللى بدونها فى الضلمة

الصُحبة الحلوه اللى قابلتها والضحكة اللى من القلب ..

"أصدقائي الأوفياء الخَونة بحبكم اوووى" 

الحياه اللى حوالينا .. والخيال اللى عايشين فية

الناس اللى بتشوفهم فى الشارع من غير ما تعرفهم 

التفاؤل والضحكة والكآبة

العالم اللى حواليك ..خيالك الواسع 

كوكب الارض ..الكواكب التانية ..

وفجأة فى لحظة التأمل

أرجع للواقع وأفتكر أني أقل من ذَرة غُبار 

والدُنيا برااااااااح 

بس 

أنا مبسوطة :) 

500 not just a number !

500

days of summer it's not just a movie 

some times we have 500 mixed of feelings

500

 smiles we deserve to get

500

 people you realy appreciate their minds 

500

 letters to write a letter for the person you love 

  ! but relay it's note enough

500 

Memories stuck in your brain

500

 sharp look with your cute eyes

!really

 numbers whatever reach a huge 

can't describe your feelings

just

 one word can change your whole life 

 ! peace or love  

ساري & سُهيله ♥ ضوء !

كان علي وشك أن يفيق

 من غيبوبته التي سببها 

الصداع ليجد صورتها تتجسد أمامه

 وكأنها ملاك تظهر لبشر مثله

 الأحمق تجاهل ذلك الضوء المُرسل من كل جانب

 والمكان الذي يفوح منه عطرها العنبري 

وفضل الابتعاد بحجة أنه ربما يكون صداع آخر ! 

اللعنه علي غباء المُحبين حينما يتملك منهم المرض

يتذكرون الأحبه حد الإشتياق لأناملهم

لتلامس جبينهم فقط لإستئصال الصداع 

الذي يشبه المرض الخبيث ..

 ونام علي جانبه الأيمن من شدة التعب

 ربما يجدها في أحلامه أيضاً 

ويجد من تنادي بصوت يكاد يخرج كـ لحن بيتهوفنى عذب 

صوت يلامس جفناته ويعبر إلى 

وجهه وكأنه نسمة ربيع عابره تجذبك برشاقتها 

صوت ينادي يا ساري ! 

وهو مازال في سكرة نومه 

وللمرة الثانيه 

 يتحامق ويشعر أن ما يحدث فقط في الحلم !

 قامت سهيله بسرعه بديهيه 

وقلبت كوب الماء الذي تحمله فوق وجهه 

ثُم ..

ساري & سُهيله ♥

وعلي ذِكر إستشعاره للروحانيات 

كانت سُهيله تفكر في مأساة الواقع 

الذي يتلاعب بكل ما تحمله من ذكري 

نقيه لكل شيء خلق في هذا الكون 

سُهيله تزداد بؤساً هي حمقاء حد إشتياقها

للعزله والوحده فضلاً عن إندماجها في الواقع 

ربما يغضب منها البعض ومنهم يميل 

للاقتراب منها والآخر من يبتعد ! 

لا تفسر أحيانا سبب إنغلاق فكرتها 

وتقف عند حد معين ونقطة معينه 

وتصاب بهستيريا التفكير لأيام 

وتعود ضاحكه متفائلة نقيه 

وتنسي كل ذلك ، وما هي إلا لحظات 

وتعود إلي لعنة الإنغلاق مره أخري 

بدون أية أسباب ولا تفسيرات 

وكأنها تتميز بمزاج خاص 

أو ربما تشرق كـ الشمس نهاراً 

وتميل للعُزله كنجم ليلي لامع 

لا تتذكر ساري سوي في قسوة الظلام 

الدامس في وقت عُزلتها تشتاق إليه 

فقط تتمني أن تعبر سواد الليل لكي 

تلقاه نهاراً حيث تشع بهجه وجمالا 

فقط يكتمل جمالها به ...

ساري & سُهيله ♥ 

ساري & سُهيله

صداع مرير يعبر خلال الرأس 

يذكرك بكل ما حدث منذ يوم ولدتك امك 

غير مدرك ذاتك تحمل أفكار مبعثره  

 وذكريات تخشي أن تعرض ولو لوهله أمامك ..

 تلعن الساعات والأيام وتخضع لصداع

 يجبرك علي التخيل 

في كل لحظة تغمض فيها عيناك..  

لتجد نفسك في أرض خاويه 

ربما يسكنها بعض آكلي لحوم البشر

 تبرق عيناك لسخافه الموقف 

 يخيم الصمت علي كل جزء منك 

تتمني لو أن قلبك يتوقف لبرهه 

لكي لاتسمع له صوتاً ! 

 فجأة يمر شيء بجانبك 

يقطع عليك مراره الموقف 

 تجزم أنه ربما يكون غزالاً

 يتدلل وسط كل هذه الحشود البغيضة 

من آكلي لحوم البشر ، تتذكرها وهي تخبرك 

أنها تتمني لو أن تمتلك غزالا

 فهي تعشق الغزالات تشبهم في رشاقتهم 

ودلالهم ورونقهم الجذاب  

تعود لفكرتك الأولي 

 اللعنه !

ليس هناك أخطر من الأسود علي تلك الغزاله 

تتمايل بين الغابه مُدللة عاشقة لا تدري 

الفاجعة التي ستحل بها يوما ما..

تنهال عليك أصوات هؤلاء 

تفيق من تلك اللحظة علي أصوات ماهي إلا دقائق

 وتصل إليك تنهش ما تبقي من جسدك العاري 

في تلك ألغابه الحمقاء ، تحدث نفسك

ما الذي أتي بك إلي هنا ، أم أنك تحلم ؟ 

وتتذكر أنها غيبوبه الصداع

! هي من سببت لك كل هذا البؤس المميت 

وماذا إذا؟ 

ما أحلي الصداع الذي يذكرني بها !

أين هي الآن جميلتي أخشي عليها 

من الأسود التي لا تهتم سوي بإلتهام 

كل جزء فيها ، ربما قتلوها ولا أعلم 

نقيه مثلها كـ الغزالات 

يجذبك شيء ما ولا تدري ماهو !

تظل تبحث عن مصدر جاذبيتها 

تتوه وسط زحام كل شيء 

تعود من جديد للحظة الحاضر 

وتظل تفكر هل كنت في المسقبل 

أم أنه بسبب الصداع عُدت للماضي 

تسيطر عليك الأنانيه لاتدري ماذا تفعل 

كل ما تريده هو أن تعرف كنت في ماضيك 

أم مستقبلك فقط للحصول علي جميلتك تلك 

 فربما تصاب بـجنون وتمربأتعس لحظاتك 

لو علمت أنها كانت في ماضيك .. 

وربما يفتح لك القدر أبوابه وتكون هي مستقبلك 

 وتشعر بسعاده لا متناهيه 

تتوسل إلي حاضرك ليشعرك ببعض الطمأنينه ، لاجدوي من ذلك 

  نصاب أحيانا ببعض الأحداث قد تجعل منا أشخاص

 غير قادرين علي إستيعاب ما يحدث حولنا 

وربما نتوه أو نتوه وسط كل هذا للدرجه 

اللي تقف فيها تسأل عمن تكون ؟ 

وعن ماضيك وحاضرك ومستقبلك

 ولا تجد هنا سوي روحانيات الأحبه 

تسكن كل ضلع في جسدك تقتلك حد الموت اليقظ 

تتسلل بداخلك تشعرك ببعض من ألحُب 

المفقود في وسط هذا الضجيج المؤلم  

فقط الروحانيات فقط  :))

ساري & سُهيله 

سُهيله (تشويش)

مُلهم

 ذلك المستقبل النابض

 يبعث بكل ما يحتويه فقط لكي تتمكن من عشقه 

وجذبك بكل الطرق لكي تصل إليه وأنت 

في أقصي حالاتك البائسه.. 

يفقدك شيء من الإستقلال بنفسك

 في لحظات حاضرة ربما تدون في الماضي

يوما ما .. 

لا يبالي بما يغرسه في نفسك من آلام 

وتشويش لتلك المساحه الخاليه

 التي تستأثر فيها بكل ما فيك

رافضه الإستسلام لكل ما هو آت 

وكل ما يحمله المستقبل من عقبات لابد من عبورها

بشده البرق اللامع في سماء شتوية

 يرقد تحت سقفها حبيبان 

لطالما تمنوا تلك اللحظة الخرافيه ..

 التي تفقدك ما حولك 

بل إنها تفقدك نفسك أيضا !

#هكذا قالت سُهيله

سُهيله

إبتعدت سُهيله عن كل هذا الضجيج 

مُندفعه تبحث عن كل ما بداخلها لتلقى به فى مكان خالى 

من عجرفه الحياه ,مكان يجمع بساطه كل شىء إلا القهوة

كانت على فطرتها الأولى فى كل شىء ,الحياه بالنسبه لها 

إستمرار لمراحل معينة تتأرجح بين الطفوله ,المراهقة, وما بعد سن العشرين 

وما أدراها أنها حين عشقت النضوج يوما ما أنها سوف تلعن ذلك اليوم 

طفله لطالما حلمت أنت تصبح كبيره ترتدي الكعب العالى 

تتمايل بجانب حبيب ما ! 

ربما تفتح لها الحياه أبواب لم تتمكن من التعرف عليها فى طفولتها 

منغلقه على نفسها حد القوقعه النائمه على رمال جزيره المالديف

لا يصل إليها سوي ضجيج الأمواج ولعناتها الحمقاء التى تزعجها 

سُهيله لا تعرف المستحيل هى فقط تحلم فى خيال واقعى بحت ..

يزعجها كل من حولها ,هى لاتهتم سوي بكونها تأمل فى السلام الداخلى 

استيقظت يوما ما ثم ..

يتبع

فيس الهَم :D

عن الفيس بوك ..

حاليا الأكونت مُغلق .. 

ادعولى بس أقدر أقاوم 24 ساعة من غير ما الفضول يقتلنى 

المهم يعنى ان علاقتى بالفيس بوك تتلخص فى جملة واحدة ..

أنا لا بحبك ولا بقدر على بُعدك :D

الوضع أصبح مختلف حاليا الفيس بيحمل حاجات كتير 

مهما حكينا مُش هنخلص من سلبياته والتطور و العفن اللى حصل واللى بيحصل.. 

الفيس من أول الأصدقاء..

إلا من رحم ربى :))

بداية هو أصبح عالم إفتراضى يعتمد على المُجاملات 

وشوية توابل كده مُش حلوة ..

علاقتى ببعض الأصدقاء أصبحت بالشكل ده 

ازيك .. عاملة اية ..الحمد لله .. دايما يارب..

وفى النهاية إيموشن ضحكاية أو قلب فوشيا أو بينك :D

انا نفسي مبقتش بحب التفاعل بالشكل ده بس بعض الناس هما بيجبروك تعمل كده !!

عن الــ seen 

حاجة ممله أفسدت علاقات كتير من الناس 

انا واحدة من الناس مش بتحب تحرج حد مثال لو حد بعت لى مسج أنا برد عليه

من الفريندز اللى موجودين عندي .. ولو على سبيل انى مش أحسسهم إنى بتجاهلهم 

بالرغم ان المسج ممكن تكون مش تستدعى الرد أو تافهه ..

وعلى الجانب الآخر..أبعت أنا لحد مثلا .. seen اه وبعدين 

وياسلام لو حاجة ضرورى بتبقى هيجيلك الشلل الرعاش !!

وخد عندك حجج للصبح وفيه اللى مش بيعبر أساساً ..

وفى الآخر ولا كأن حاجة حصلت :(

عن الإيموشن والفيلينج :D

العم مارك أبدع بصراحة لم يكتفى بالإيموشن المُعتاده ..لأ زادت وفاضت 

وبَهتت وملينا منهم ..

وبالمناسبة إيموشن الضحكة اللى هى زى الضحكة الصفره دى :) مستفز جدااا

الفيلينج بقى .. عجبانى الصراحة بس المُضحك والمُبكي أنك تحسها إستخفاف بمشاعرك أوي

يعنى مثلاً .. لما عملت فى مره ola is feeling sick

مريضة بقى وكده .. شوف يا سيدي ألاقى كمية likes 

إنى ألاقى سلامتك وربنا يشفيكِ .. لأ .. 

الفكرة مش كده لأن أنت مش محتاج تسمع الكلمة دى 

الفكرة أنك لو كنت كتبت ستايتس عادى مثلاً

أنا مريضة جدا ادعولى ربنا يشفينى ..

عمرى ما كتبت بوست زي ده :D

كنت هتلاقى عندك بقى .. مالك يا لولو

مالك يا حبيبتى .. إيه اللى حصل !!

وبلا بلا بلا من الأسئلة الفزيعة اللى تبهر الصراحة 

متشنكرين يا جماعة بحبكم كلكم :D

انسوا الفيلينج انسوا 

لأ تعالوا تانى كان قصدى من حوار الفيلينج ان المشاعر بتتلخص فى حاجات غريبة 

ومش دايما بيحسوا بيك .. بس الفكرة فى انك محتاج فعلا  لما تقابل صاحبك ده 

فى الشارع تلاقى الضحكة منورة وشه فى وشك ومن جواه صافي مُش مرور الكرام :D

وإنه لما يقولك وحشتنى يكون قاصدها فعلا .. مش كلمة وبس :))

وإنه لما يبعتلك إيموشن قلب .. يبقى قلبة خالى من ناحيتك ومش شايل حاجات ياما 

حتى لو فيه بينكم خلافات وإختلافات يا عم هتروق وهتروح بس هى مسألة وقت !

أنا قفلت الأكونت عشان أرتاح فتره مُش عارفة هقدر أقاوم وأكملها ولا لأ بس هحاول ..

  عاوزة أبعد عن الفيس أخرج للواقع شوية  أقابل ناس مختلفة 

أشوف ضحكة حقيقية من القلب ولو من حد معرفوش ضحكه صافية 

أشوف قلوب واضحة ونقية .. مُش قلوب مجروحه بتشكى جارحيها ليل نهار

عاوزة أقول لأصدقائي كمان صدقونى أنا نفسى أضحك زيكم ولما تكلموني مش تلاقونى متضايقة 

بس الجو العام للحياه على الفيس .. مش طريق للبَهجة اللى تخلينى أضحك من قلبى 

ساعات بتبقى ضحكتى fake فى مواقف معينة فـ بكرهها 

وكل حاجة حواليا هي السبب .. بس هبعد هبعد هبعد يمكن ارجع بضحكة أحلى كتيير 

لسه فيه عن الفيس حاجات كتير ودى مُش كل حاجة :)) 

نسيت أقولكم ممكن أفتح الفيس خمس دقائق بس أشير التدوينة هااااه O.o

يتبع !

الأب الثانى..

اليوم هو ذكري  ميلادك 

أعلم أنك في مكان آخر الآن ..

أشتاق إليك بالفعل أفتقدك كل الفقد في هذه الأيام البائسة..

صغيرتك المُدللة تبلغ من العُمر20 عاماً ومازالت تبكي بكاء الأطفال..

 تتذكرك دائما ..

عندما تنعدم السعادة اتذكر أيامنا معاً كل شيء من حولي يذكرني بك..

 عقلي البائس مازال يقتله التفكير من محاولة استيعاب ماحدث منذ 2005 

حتي الآن !  

كنت أتمني رؤيتك في الأيام الأخيرة ..

منعوا عني زيارتك  

فقط كنت أتمني أن أقبلك علي جبينك وأرتشف عطرك النقي .. 

السعادة تكمن فيك .. منذ رحلت وكل شيء 

أصبح عاجز عن البهجة

 وإنعدم الحب من كل مكان في الوطن  فقط بمجرد رحيلك .. 

أنت أبي الثاني وأنا طفلتك المُدللة  

أتذكرك في يومي آلاف المرات في كل شيء .. 

أنت موجود بالفعل تحتويني ذِكراك بكل ما فيها.. 

في طريقة كلامي ، وحبي للأشياء .. وتفكيري ، وعجرفتي الزائدة 

 وغموضي وثقتي بنفسي ، والأماكن التي ذهبت إليها معك.. 

الأسكندرية ،القطار وأول مرة للسفر معاً 

مازالت أذهب إلي كل مكان أعبر من أمامه

  ماعدا ذلك " المَشْتَلُ" المحيط بالأزهار

 من كل جانب أشتاق زيارتة الآن معك ! 

يكتمل نبضي بك وكل شيء كُنته بك أنت ..

أشتاق لسماع صوتك يناديني ..

كل ملامحك لا تغيب عن بالي ..

 سأحكي لأطفالي عنك..

أبجديتي لا تكفى للحديث عنك  

أنت رجل لن يأتي مثله  

ولن أحب أحد كما أحببتك انت ..

يتبع ..

"الأب الثانى"   

من وحي الكتب !

عودة من جَديد ..

 وبعد حالة الزهد اللى كنت عايشة فيها نوعاَ ما 

اتأكدت انى لما بيعدى يوم من غير ما اكتب حاجة يبقى انا تعبانة 

ومريضة كمان ..مستحيل يعدى يوم من غير ما اكتب فية وقت الفجر 

حتى لو كنت مُش هنشرها على الفيس أو فى الحوليات .. بس لازم أكتب

وما أدراكم بقى الواحد لما بيكون كل حاجة حوالية ملعبكة (حلوة ملعبكة دى )

بيكتب تخاريف السنين .. ممكن يقلب فى شوية كتب قديمة 

ومش قرأها ..المهم كأنه تايه ..

مش كتبت حوليات من زمان يمكن الظروف منعتنى مش عارفة اجمع فكرة على بعضها 

المهم الحمد لله رجعت وياريت أقدر أكمل بقى ادعولى هاه :))

يوم بقى من الايام الزهد اللى كنت فيها .. 

مكتبى الصغير .. لنبحث عما بداخلك 

مجموعة من الكتب وروايات مصرية للجيب 

بلا بلا بلا .. المهم قررت أقرأ قلعة الأسرار .. مجموعة قصصية 

ومنها .. مذكرات طبيب .. وبعدما قرأت سطور عديدة 

وقعت عينى على بعض منها كالتالى ...

ولكنى كنت ومازلت أؤمن بالقدرية,فى مثل هذه الأمور..

لست أحب أبداً أن أختار المصير , فى الأمور التى أجهلها ..

إننى أترك الأمر كلة لله (سبحانة وتعالى ), حتى يمكننى 

قبول أى نتائج فيما بعد , دون أن أشعر بالندم ..

ومن هنا وقفت وقفة إعجاب بالجزء ده والإذبهلال المُعتاد منى 

وابتسامة لوحدى لما حاجة تعجبنى .. يعنى لو ماما ماشية لحظتها 

جنبى كانت قالت اتهبلت وبتضحك لوحدها مثلاً ..

المهم هنا فجأة ويكأن د.نبيل فاروق 

كتب الجزء ده علشانى .. اه والله 

حيث انى فى بعض الأمور كنت بحاول أوضح ان أنا اؤمن بالقدر إيمان بَحت 

ودايما بقول :

كل الحكاية انى بحب القَدر يتدخل فى حياتى بتفاصيلها ..

وبالصُدفة البَحتة ..

مُش الناس

مُش الناس

مُش الناس

ومن هنا الجملة شغلتنى جدا جدا لان الموضوع دة مأثر عليّ بشكل غريب 

مُش عيب أبدا انك تكون أمورك كلها متوجهه لربنا وخصوصا لو حاجة مجهولة 

أو متوقف عليها حاجة كبيرة فى مستقبلك يعنى متقولش لأ انا هجازف فى طريق معين 

وانت مش قدامك أى بذور أمل أو إيحاءات كدة ربنا بيغرسها جواك 

تخليك متيقن ان فية نسبة نجاح ولو صغيورة .. لو عندك يقين فعلا 

اختار طريق افضل مش بقولك طريق تنجح فية ..لأ طريق تبقى عارف 

انك لو فشلت مرحلة أولى .. يبقى عندك مراحل تانية 

مُش طريق يقع بك لنهاية المطاف .. وتبقى عاجز ومش فى ايديك حلول بديلة 

المهم بلاش تشعر بالندم .. فى طريق انت أخدتة وراجع نفسك دايما 

وحاسب نفسك بعد كل طريق تمشية واعرف نتيجة كل خطوة

 فى حياتك قبل ما تتم هتكون شكلها اية صدقنى

 هتنجح وهتكون مبسوط بس خليك متفائل .. 

يعنى انا كنت عاوة أقول ان الجزء الخاص بالإيمان بالقدرية ممتع على فكرة 

ودة الحاجة الوحيدة اللى بتخلى الواحد مش يشعر بندم فعلا فى اى حاجة .. وعن تجربة :))

مُش بندم ..ومفتكرش قلت ياريت على حاجة إلا فى حالات قهرية 

مثلا ضيعت خروجة حلوة مع اصحابى ..أو نسيت اشترى غزل بنات .. 

عُـلا_وهى زاهدة 

كآبة ليـل !

ياريتنى كنت كَفيف

خيالى بيطول حاجات 

وحاجات مبيطولهاش

وعن وصفك قبح الواقع

أبعد عنى انا شايف صورة 

ما بوصفهاش ..

فـ متقنعنيش انى اتخيل 

أبو ده واقع على اللى هيتعاش 

راسم حياتى كَفيف بنور الهى 

مش حمل بلاغة اللسان ..

أنا كل اللى انا عاوزة بشوفه

وهعيش طول ما أنا انسان 

فـ متقنعنيش ان عشت 

فـ لحظة كـ مُبصر ..

يجذبنى جمال الأوطان !!