الخميس، 21 نوفمبر 2013

عَلقْـم



بقيت بخاف أمشي فى شوارعك
اللـي قالــوا زمــان أمـان 
لســة حواريــكي زحـــام
والعيـون أنهـار بتجري 
عُمر ما صابها يوم جفاف
مُش ميزة بس العيب يعيب
مبقتش أشوف في الضلمة نور
كُله أَسـود مـ السـواد
والشروق بقي كُله عَتمه 
قلبـي مَسموم بـ السُكات
والكلام بقي طعمه عَلقْـم
وبردو ماشيه لسه خايفه
وعُمري عمّال يغتـرب
كرهت حتى ريحة ترابك 
ان كانت عَنبرأو عَفَن 
ريحة الدم كات أشد
زي مصاص الدما 
لما الدافع عنده بيقوى 
والغريزة تقتله..
ويعيش على دم الضحية
بكل لَذة ويستَجـم !





هناك تعليقان (2):