السبت، 15 فبراير، 2014

سهرة مع السِت !



هدأ الجميع وبدأت تستحضر قوتها للمقابلة التي تحلم بها كلما استمعت لذلك الصوت 
وتتذكر عندما أخبرت أختها في يوم من أيام ديسمبر كانت  قناة روتانا زمان
تعرض أغانيها وطلبت من أختها أنها تريد أن تستمع إليها وتم الأتي.. 

- سيبي القناة دي أنا عاوزه أسمع الأغنية 
- أنا هقلب مش ناقصة ام كلثوم إيه دلوقت
- خليها بس واسمعي يا بنتي
- حالة من الهدوء والاستمتاع

- فجأة تخرج عن الجو الكلاسيكي تعرفي ان انا في يوم هحضر لها حفلة أيوه مُش هيأس 
ده أنا بحقد علي الناس اللي كانوا بيسمعوها في الأوبرا..أنا نفسي أحضر لها حفلة :((
هنا تخرج الاخت عن الجو العام وتقولها ومالو ابقي قابليها في المقابر واحضري الحفلة هناك 
-أووووه يا سلام تصدقي فكره ده أنا هقابل كل الناس القديمة وبتوع زمان والراجل اللي دايما بيصفر في كل حفلاتها نفسي أعرف هو مين ؟!

عُدنا عزيزي المستمع من الفاصل الطويل البهيج بعد الاستماع لمقطع من أغاني الست ام كلثوم
ونحب نوجه لها الشكر ونبتدي بحوارنا النهارده نحب نرحب بحضرتك جدا جدا 

- حرّتك متعرفيش أنا من قد إيه منتظرة اللقاء ده بجد يعني بصراحة مش قادره أوصفلك 
ده أنا لوحكيتلك بقول عنك إيه أووه مش هتصدقي ..
- وهنا تبدو ملامح الخنقة والاستغراب علي وجه السِت وشكلها كده هتنهي الحوار ده 
-ويدور في بالها لازم أبدأ بسرعة أصل تغنيلي للصبر حدود ومش هنخلص..

-حضرتك ممكن استفسر منك على شوية أغاني كده بصراحة بتبهرينى 
- أوي أوي اتفضلي 
- حضرتك إزاي قادرة تقوليله في الأغنية

 "خاصمتك بيني وبين روحي وصالحتك وخاصمتك تاني" 
ازاي قادرة تصالحيه وتخاصميه وبراحتك ومع نفسك أنا الجمله دي على قد حلاوتها 
بستغرب لها الصراحة !
- ردت وقالت للصبر حدود !

- سكتت بدون تعليق،وسألتها تاني طب فاكره الكوبليه لما قلتي من "أجل عينيك عشقت الهوي" 
أنا كنت عاوزه أشوف عنيه اللي عشقتي الهوى بسببها أو أشوفه شخصيا تفتكري؟! طب حاولي توصفهولي حرّتك ؟!

- ردت وقالت:
يافاتناً لولاهُ ماهزنى وجدُ
وقالت:
من بريق الوجد فى عينيه اشعلت حنينى
وقالت:
أستشف الوجد فى صوتك آهات دفينة 
وبعد كل ده قالت:
لستُ أدرى أهو الحبُ الذى خفت شجونه"
أم تخوفت من اللومِ فآثرت السكينةُ"

وهنا صُعقت من الكلام احم احم ماشاء الله  حرّتك أنا أصلا دي من أكتر الأغاني الي بحبها صدقيني
- ابتسامة هَشة !

وهنا المخرج طلب كلمة أخيره قبل إنتهاء الحوار علي أمل اللقاء في وقت آخر وإستضافة السِت 
في صُدفة أفضل من كده..

استحضرت قوتها من جديد قالت لها نشكر حضرتك على اللقاء الجميل ده والوصف الرائع اللي قلتيه ده أنا بصراحة انبهرت بس خليكي ثابته زي ما انتي وافتكري انك قولتيله الكلمتين دول أصل هما ذروة الأغنيه كلها سيبك انتي من عيونه ودفا الصوت وكده واسمعي ! 

نحب نشكر المستمعين النهارده اللي تابعونا وانتظرونا في أي صُدفة قريبه ونترككم مع المقطع ده ويارب تستمتعوا :))

لاتقل أين ليالينا وقد كانت عذابا"
لاتسلنى عن أمانينا وقد كانت سرابا
أننى أسدلت فوق الأمس ستراً وحجابا
فتحمل مُرَ هجرانِك وأستبقَ العتاب"

#cut#هايل يا فندم 



السبت، 1 فبراير، 2014

إنطلاقة !




إلـي الغائب الحاضر دائما..
إلي نهار لم يولد بعد, أما أنا وقد عاهدت نفسي 
علي تمام الإنفصال عن عالمك وأنا على حافة الطريق 
لا رغبة لدي في إرهاق تفكيري أكثر من اللازم 
أتدري أنني تغيرت كلية, وأصبحت أقوي وأقسى ولامُبالية أحيانا..
أحكي لك عن الأشياء البسيطة ؟! بالنسبة لي صارت والعدم سواء
ماعُدت أهتم بها إطلاقا, وأصبحت بالنسبه لي أثقل من أي شيء آخر ! 
التفاصيل أيضا علي مقربة من التلاشي والإختفاء أصبحت مُملة بشكل 
يثير غضبي في ليالي الشتاء التي باتت مُوجعه في مرحلة ما..
لعنة الوقت..ماعُدت أخشاها أنتظر قدومها في أية لحظة والجدير بالذكر 
أنها ليست اللحظة المناسبة دائما..لاتتوقع الكثر لأنها فقدت رونقها عزيزي الغائب 
ربما سأظل مُدللة أكثر من ذلك, ولكن لن تراني أركض كـغزال بكل طاقتها
لأنها سعيدة, ربما تهرب خشية إفتراسها من أسد ما !
أنا لن أغيب, ولن أرحل سأحاول جاهدة أن أصبح بحال أفضل بكثير مما أنا عليه الآن 
مزاجية ..أينعم بلحظة واحدة أنقلب على العالم بأكمله وأصبح عنيفة لدرجة الإنعزال عن كل ما حولي وكل من حولي!
بدون تفسير لأي شيء أرغب في الرحيل, أصبحت الرغبه للهجرة إلي باريس تقتلني تزداد يوما بعد يوم, وربما إذا لم يحالفني الحظ سأهرب يوما ما..
الكتابة أصبحت مُملة أكثر وأكثر وأصبحت أعشق علامات التعجب تثيرني بالبهجة بدون سبب!

 أسأل الذات الإلهية علي نفحة من الصبر ليس إلا.
أنت حُر الآن عزيزي الغائب الذي لم يعد حاضراً بالنسبة لي !
عودة إلي الإستمتاع بالشاي الأخضر, وإستعارة كتاب بدون إسم .. 
  

الأربعاء، 8 يناير، 2014

سيمفونيات

نبض


لحظة ما افتكر ان بابا عمره ما سمع مني حاجة كتبتها

 حتي لو شعر..بستغرب نفسي أكتر هو فعلا لو أصابتني الجرأة 

 اني اقوله يقعد يسمعني هيكون فيه فعلا حاجة تستحق انه يسمعها!

طب هرد اقوله ايه لو سألني عن شوية المشاعر والروحانيات اللي بكتبهم في لحظة معينة..

مش عارفه أتوقع رد معين..

ممكن يجاملني؟

معتقدش..

ياما سَمعني حاجات وبيقعد يدندن أبيات شعر بالفصحى 

وأنا اسمع له وانسجم بقول جوايا

هو ممكن في يوم يدندن حاجة ليا كدا 

امممم ياريت  :((

بحب أسمع منه الأبيات دي 

لما هند بنت فهد كانت بتكتب لـ بِشر الأسيدي..

فياليتني أرضٌ وأنتَ أمامها 
تدوسُ بنعليك الكرامِ على خدّي 

يااااه ع الاحساس ببقي نفسي اقوله أنا يا بابا 
أنا يا بابا الأرض دي أنا جنتك وان عُلا قرة عين أبيها زي ما دايما تقولي..!


#مش_فضفضة
#مش_هعمل_كتاب
#فيلنج_الفشل
#كتبت_ومكتبتش
#جوعانة_أفكار


الخميس، 21 نوفمبر، 2013

عَلقْـم



بقيت بخاف أمشي فى شوارعك
اللـي قالــوا زمــان أمـان 
لســة حواريــكي زحـــام
والعيـون أنهـار بتجري 
عُمر ما صابها يوم جفاف
مُش ميزة بس العيب يعيب
مبقتش أشوف في الضلمة نور
كُله أَسـود مـ السـواد
والشروق بقي كُله عَتمه 
قلبـي مَسموم بـ السُكات
والكلام بقي طعمه عَلقْـم
وبردو ماشيه لسه خايفه
وعُمري عمّال يغتـرب
كرهت حتى ريحة ترابك 
ان كانت عَنبرأو عَفَن 
ريحة الدم كات أشد
زي مصاص الدما 
لما الدافع عنده بيقوى 
والغريزة تقتله..
ويعيش على دم الضحية
بكل لَذة ويستَجـم !





الأربعاء، 6 نوفمبر، 2013

إلـى أين؟!

إلى أين؟!

إلى ذلك البعيد الذي لا يأتي
إلى عنفوان الضجيج الذي لايهدأ
إلى الخيال الذي لا ينتهي
إلى عالم ينبض من زرقة البحر
إلى الحنين الخامل المُرهق
إلى نهايات لا تنتهي
وبدايات لم تبدأ بعد
إلى عالم الألوان والأهواء والضوضاء
إلى ربيع لم يأتي
وشتاء عاجز عن البوح بتراتيل الدفء
إلى مكان فقد في ظلام دامس
إلى منبع الذاكرة وزحام الذكريات
إلى الماضي الذي لا ينسى
إلي الحاضر الذي لا ينام 
إلى المستقبل فاقد الهوية
إلى التدوين الروحاني
إلى التحرر من القيود
إلى جاذبية الأفكار
إلى كتابة التاريخ المجهول
إلى الجمال الذي لا يتجمل
إلى أصحاب الضحكات الجذابه
و ذوي القلوب الباردة
إلى طفولة لم تكتمل
إلى أناس بائسين
إلى حُلم لم يتحقق
ورغبة في السفر البعيد
إلى وعود لم تجف
إلى رسائل لم تصل
إلي حُب يُنتظر
إلى مفترق طرق
إلى أبجدية عاجزة عن البوح
إلى أب يحتويك بكل مافيك
إلي قلب أم منبع الأمان والحنان
إلي أخ وأخت گـ البريق في العيون
إلى أصدقاء لن تفرقنا المسافات
إلي حبيب لم أعرفه بعد !
إلى الطبيعة التي لا تخلو من الحُرية
إلى الطريق الذي لا يؤدي إليك
إلي أين؟ ربما إلى الجحيم
إلي أين؟ لا أعلم فـ الخيال واسع
له مطلق الحرية..
ربما إلى اللاشيء !

الثلاثاء، 5 نوفمبر، 2013

سُهيله ♥ ساري كـ الموت الحلال






سُهيلة 
ليست كائن خُرافي أو شيء غير ملموس  
إنها بالفعل كما وصفها وصوتها 
لحن بيتهوفني كل شيء فيها صادق جذاب 
ضلت طريقها بعدما رحلت هي بالفعل كانت 
بجانبه عندما استشعر وجودها في كل مكان 
فهو لم يكن يراها في الحلم بل كانت حقيقة 
في كل شيء.. 
في الحُب لا يجب أن تنسى أي شيء
 حتي السفاسف الروحانيه..في قانونها جريمه يعاقب عليها  
لابأس أن تنسي روحك فيه تجعلها تنغمس
في روحانيات العشق المُدلل ولكن تذكر ألا تنسي .. 
عبور سُهيلة لمرحلة اللاحياة بعد رحيلها 
أشبه بحُب الأسد للغزال الذي لطالما خشي 
عليها ساري يوما ما من إفتراسه لها 
وما كل هذا الخذلان الذي تعرضت له منه 
ظلت تحدث الغرباء عنه ! 
تسألهم عنه ! 
توصف لهم ساري بأدق تفاصيله 
رحلت بالفعل حتي أنها ارتكبت أبشع جريمه
هي من شرعت قانونها 
أنها نسيت ، نسيت مكانه ، عنوانه 
قررت العزلة من جديد 
ويا له من قرار ! 
كم تمنت ألا تلجأ إليه 
ابتعدت عن كل شيء 
تحدث نفسها كـ المجنونه 
أليس هذا واقعكم الذي يتباهى به المتحذلقون 
كيف تطيقون العيش فيه وكل ما به يوحي بالفقدان 
اليقين الوحيد فيه أن هناك فقدان للأحبه يوما ما 
عالق في ذهني منذ الطفولة أن الموت هو الذي يفرق الأحبه الموت فقط 
 فكيف نعلم حقيقة الموت والرحيل المؤكد يوما ما
 ولا نعطي لأنفسنا أن نشعر بالبقاء ولو لوهلة مع من نحب 
الحلال الوحيد في الفراق هو الموت
فإن كان بإرادتك أن ترحل عمن تحب 
بسبب بعض المنغصات الحياتيه التي تعشقونها 
في واقعكم المُبجل فحقيقة الأمر أتركوني 
أعود لعزلتي من جديد..



الأحد، 20 أكتوبر، 2013

ولاشيء !




طموحك كلها أحزان 

ومن جواك خلايا تملّي تفقد الإحساس

كيانك كله متحوش فى حصاله 

و وأد الحلم كـ وأد البنت زي زمان 

يكونش الحلم فى بلادنا ده هو العار 

ده رمش العين بقى حنين ومبيدبحش

وتايهه سكتك فى الضيقة بتغزل قَهر 

حبايبك فى الميلاد جنبك وروح الحُب 

زي الأول بقت خيبه فقدناها ومُش بنحس

وفجأة تلاقي فى الغباء لَذة 

وبردو تلاقي في الحسد نعمة 

ويتحول كلامك سَكتة بعدها فى القبر 

وروحك فى البلاد بتلف ..

وطمعانة فى قاعدة وطن 

وتعزمها على حُرية بس بنفس 

قانون الحُب له إتجاهات 

وناس غاوية تعيد مـ الصفر 

وشباك الأمل فَتح 

في لحظة ما  كان الشيش 

منعرفلوش غير الأقفال 

حياتك كلها ملكك 

وصوتك لسه فيه النبض

وطول ما عيوني بتفتح 

هكون جنبك في أول قَطر 

ده لسه العُمر فيه مسافات

وبيقرب ويبعد حد 

ومعنى الثورة متفسرش لحد الوقت !

قوم اغزل السما السبعة وحقق حلم 

ونَفَض الغُبار بدون رِقة 

وصارع فى الهَوى دَقة 

وقول كل اللي جواك 

فى لحظة تَجَلَّى الفَجر.. !